- Bra at det er lenge igjen til sesongstart

- Godt å kome i gang med treningskampane - bra at det er lenge igjen til sesongstart. Det var strynetrenar Johann Sigurdsson sin umiddelbare kommentar etter å ha sett laget spele 3-3 mot Skavøypoll på ei glimrande kunstgrasbane i Stryn.

Skavøypoll  opna best og leia med to mål eter 20 min. På tampen av første omgang reduserte Mads Wie. I andre omgang hadde Stryn meir å by på, Anurathan Velalakan utlikna og Eirik Lødemel Bøe såg ut til å ha scora sigersmålet på han sette ballen i mål i det 87. minutt, men Skavøypoll utlikna heilt på tampen.

- Anurathan Velalakan, Eirik Lødemel Bøe og Lars Midthjell Gjørven var Stryn sine beste spelarar, seier trenar Sigurdsson.

Stryn sitt lag: Fredrik Hanssen, Vegard Vatn Øvreberg, Vegard Hopland, Erling Myklebust (Lars Midthjell Gjørven 46. minutt), Justinas Busmic, Frode Hool Egge (John Marius Berger 77.), Karsten Bjelde, Sander Amble Haugen (Anurathan Velalakan 46.), Ruben Garlid (Jan Åge Langeset 72.), Erik Amble Haugen (Eirik Lødemel Bøe 46.), Mads Wie.

Stryn stilte med ny keeper. - Fredrik Hanssen (son til keeperlegenden Johan Hanssen)  er aktuell for overgang frå Førde, men kontrakt er ikkje signert, seier Sigurdsson.

Marius Rauset frå Loen fekk også prøve seg i strynedrakta.