Hornindal står på lista over Sogn og Fjordane fylkeskommune sine ambulerande tannlegekontor som skal leggjast ned. I den samanheng har kommunen gjeve uttrykk for at dei er veldig interessert i å overta utstyret.
– Vi jobbar med å få privat tannlegekontor i Hornindal, opplyste rådmann Ann Kristin Langeland i kommunestyremøtet.
Dersom Sogn og Fjordane fylkeskommune bestemmer seg for å leggje ned kontoret i Hornindal, vil skuleelevar og bebuarar på omsorgssenteret måtte reise til Stryn for å få utført tannhelsetenester.