Prestekabalen er utfordrande i fleire kommunar i Nordfjord, fortel prost Rolf Scanke Eikum.
– I Stryn har vi framleis ein situasjon med langtidssjukmelding. Der er vi heldige som har Henny Koppen som vikar. No har vi også utfordringar i Bremanger, medan ny prest snart er på plass i Eid. Eg skal ikkje leggje skjul på at det har vore utfordrande å finne løysingar overalt den siste tida. Og så er det slik at prestar ikkje akkurat veks på tre, seier Schanke Eikum
Mari Saltkjel sluttar som sokneprest i Hornindal og vert i staden sokneprest i Vågsøy. Det vil bli avskjedsgudsteneste henne i Hornindal kyrkje 12. juni.
- Eg har enno ikkje fått klarsignal for når stillinga som sokneprest i Hornindal kan bli lyst ut, men etter at studentvikar Irlin Bråten har vore her i sommar, vil Olaf Sigurd Gundersen gå inn som vikar fram til ny prest er på plass, seier Schanke Eikum.– Ettersom du ikkje har fått stadfesta utlysing, kan det bety at prestestillinga kan stå i fare?
– Nei, usikkerheita ligg i når stillinga kan lysast ut. Eg har ingen signal om at stillinga vert inndrege. Eg meiner Hornindal har hatt sin porsjon med vikariat og usikkerheit, seier prosten.