Leiinga og medlemmene i Olden Småbåtlag har sett seg lei på at områda mellom nausta vert nytta til å «gjere frå seg». I innspel til reguleringsplan vert det stilt krav om etablering av heilårsope offentleg toalett på Oldenleirane.
- Det er både plagsamt og uhaldbart at turistar og andre besøkande grisar til aerala mellom nausta våre, seier Arvid Pedersen til Fjordingen.
- Er dette eit stort problem?
- Ja. For å unngå å trakke i skiten, må ein sjå nøye etter før ein set ned føtene. Slik kan vi ikkje ha det, understrekar Arvid Pedersen.