Nomek i Stryn knyter til seg fleire og fleire nøgde kundar i heile landet. På motorfestivalen komandelaurdag skal dei stille ut ein asfaltbil og ein krokbil dei har bygt opp.
- Fleire på ulike stand
– I tillegg vil 3-5 bilar som vi har levert i løpet av året bli stilt ut på andre stand. Dermed vert det eit mangfald representert av det vi kan levere, seier leiar for sal og marknad, Øyvind Hopland.
– Kva har gjort Nomek til ein så stor aktør med påbygg?
– Renovering av septikpåbygg var av kriteriane for å starte opp Nomek i 1998, då saman med deler til bussproduksjonen på Vest. I 2004 vart første eigne septik/slamsugar utvikla og levert, og i 2006 vart første mobile avvatnar levert. Frå 2012 kom første krokbil på marknaden, og sidan har det gått slag i slag.
Hopland fortel at dei hittil har utført ca. 40 renoveringar/chassisbytte. Vidare har dei levert omlag 70 eigenutvikla miljøpåbygg, samt 20 krokpåbygg, trekkvogner og andre spesialpåbygg.
- Fullt trykk
- Korleis er ordresituasjonen?
- Vi har har fult trykk til sommarferien med levering, og august er fullbooka. Reknar også med eit trykk etter motorfestivalen og transportmessa på Lillestrøm i juni, samt transport og anleggsmessa i Bergen i august.
- Kven er kundane?
- Nomek har siste åra levert bilar frå Kirkenes i nord til Kristiansand i sør, men dei fleste kundane har vi på Vestlandet.
Hopland legg ikkje skjul på at maskinparken saman med dyktige konstruktørar og operatørar kan lage det meste og er viktige for suksessen.
- Ingen andre påbyggarar i Norge har tilsvarande utstyrspark.
Halve årsomsetnaden
- Kor stor del av omsetninga kan knytast til påbygg?
- Omsetningmessig ligg vi på mellom 35 og 40 millionar kroner på lastebilpåbygg, som utgjør omtrent halvparten av årsomsetnaden til Nomek.
- Kva vert Nomek sin rolle under transportmessa på Lillestrøm?
- Vi er utstillar der for første gong så dette blir ei ny erfaring. Vi har heilt sikker mykje å lære uansett kor godt førebudde vi er. Vi ønsker å formidle det vi kan få til i Stryn, og håpar vi kan trekkje ein del kundar til oss. Kundar som er villege til å leggje litt meir verdi i påbygget, istadenfor å leggje turen til Danmark.
- Nye ting på gang?
- Vi har mange spennande løysinger i lag med kunder på gang, men det er litt for tidlig å presentere dei her no, seier Øyvind Hopland.