Onsdag skal Stryn formannskap handsame sitt svar til integrerings- og mangfaldsdirektoratet (IMDI) om direktoratet si oppmoding om å busette 10 flyktningar i 2018.

Rådmannen skriv i si vurdering at dette er ei krevjande oppgåve og særs viktig i høve integrering og å legge til rette for sjøvstende og gjere dei i stand til å forsyte seg sjølve i framtida.

Rådmannen tilrår at Stryn kommune seier ja til busetting av 10 flykntingar i 2018. Familiegjenforening kjem i tillegg.

Stryn kommune har busett flyktningar kvart år sidan 1987, dei fleste åra med 20- 25 pr år. I 2016 mottok kommunen 58 personar, 30 busette flyktningar og 28 som familiegjenforening.

I inneverande år har kommunen teke imot 17 busette flyktningar og fem som familiegjenforening.