Pappa Klemet Bø sat i fred og ro på Ullsheim og såg det norske laget gå inn til sølv på tysdagens mix-stafett.
- Eg jobba litt der ute og gjekk inn då stafetten starta, og der fekk eg sitje i fred og ro, fortel Bø senior til Fjordingen. Han er glad for at det gjekk bra til slutt med det norske laget:
- Ja, det gjekk greitt til slutt. Det såg mørkt ut ei stund, men Johannes leverte varene og fekk Norge inn att i medaljekampen.
No ser han fram til herrestafetten fredag, og då stiller Norge mest truleg med to blad Bø på laget.
- Tarjei var nok skuffa over å ikkje få gå mix-stafetten ilag med Johannes. Så får vi sjå korleis det går. Trua på medalje er der sjølvsagt, men som Bø seier: - Det er ingen garantiar i skiskyting!