Oppstryn IL søker Stryn kommune om midlar for å utvide potensialet for lysløypa i Hjelledalen til heilårsbruk. I søknaden skriv dei at lysløypa, som er omlag 3 km tur/retur, treng opprustning for å kunne nyttast både som skiløype og turløype.
Idrettslaget viser til at sidan skispor var køyrt opp i november, har det vore ca 600 registrerte turgåarar i løypa.
Tilskotet er mellom anna tenkt til tiltak for utbetring av løysløypa med grøfting og nedlegging av rør for å leie bort overflatevatn. Traseen treng opprydding.
- Garasjebygget som vi har sett opp treng også støypast golv i då det i dag består av jord og grus, og det fører til at belta på trakkemaskina frys fast når det har vore mildvær og blir kaldt, går det fram av søknaden pålydande 100.000 kroner.