Stor jubel på Stryn Arbeidssenter tysdag då Ivar Ulvedal kom attende med tre medaljar frå Special Olympics i USA. (Foto: Ove Sveen)
Stor heider til OL-vinnar
Ivar Ulvedal (28) vart motteken på ein fantastisk måte på Stryn Arbeidssenter tysdag etter sine bravadar i Special Olympics World Championship i Idaho i USA. To gullmedaljar og ein sølvmedalje vart feira med kaker, taler og gåver. Laurdag blir han på ny å finne i langrennssporet. Då i Veten-rennet.
Skrive av: Ove Sveen (tysdag, 17.februar 2009 12:11)
Ivar Ulvedal var naturleg nok stolt og glad for medaljane og det han hadde vore med på. Han hadde ikkje venta at det skulle ende med tre medaljar som no skal få heidersplassen i heimen.
-Eg gratulerer så mykje, og du har representert laget på ein fantastisk måte. Så skulle det altså gå 100 år før Veten IL fekk sin første olympier, sa leiaren i laget Torolf Aarøen. Han lovde olympiaren ny Veten-dress og insviterte samstundes til 100-årsjubileet 7. november. Også Inge Fænn frå Skiforbundet helsa, og Leon Bakkebø helsa som representant for Ivar Lundes legat.
-Eg overrekkjer Ivar i dag legatmidlar til 10.000 kroner. Ingen annan kandidat kan "matche" Ivar her fastslo Bakkebø.
Ansvarleg redaktør Bengt Flaten
Dersom nokon føler seg ramma av urettmessig omtale, oppfordrast dei til å ta kontakt med redaksjonen i Fjordingen,
telefon 57 87 45 00 eller e-post: redaksjon@fjordingen.no.
Det er også anledning til å reise klage for brot på god presseskikk til Pressens Faglige Utvalg, pb. 624 Sentrum, 0106 Oslo.
Innhaldet på websidene er beskytta i henhold til Lov om opphavsrett til åndsverk (Åndsverksloven)
