Lions Stryn er 50 år i 2016. Som ein del av markeringa gir dei rullestoltrekk til omsorgssentera i Stryn, Innvik og Hornindal.
Torsdag føremiddag vart gåvene til dei tre overrekt på omsorgssenteret i Stryn.
– Alle får vinterovertekk med regnbeskyttelse til rullestol, fortel påtroppande president i Lions Stryn, Andreas Solvik.
Representantane frå dei tre omsorgssentera forsikra alle om at desse vil bli flittig brukt.
I tillegg til rullestoltrekk får omsorgssenteret i Stryn eit piano i høve nybygget.
– Vi har sakna eit piano her på avdelinga etter at vi flytta det vi hadde over til ei anna avdeling, seier avdelingssjukepleiar Lisbet Sollid. Dette er ei kjærkomen gåve.
– Folk må gjerne kome hit og spele! understrekar områdeleiar for Stryn omsorgssenter, Aslaug Håøy Nygård.
No er der både piano og gitar i stova på Fiolen, og det blir sett stor pris på om nokon vil kome og spele.