Professor ved institutt for geovitenskap ved Høgskulen i Bergen, Atle Nesje, besøkte Briksdalsbreen så seint som midten av juli og kunne ikkje sjå nemneverdige endringar på turistattraksjonen oppe i Briksdalen.
– Briksdalsbreen er stabil og er nærast uendra i storleik sidan i fjor. Fronten ligg godt nede i ein stabil formasjon, seier han.
Breen har halde seg stabil, trass i svært varmt ver dei siste dagane.
– Det er trykk på fossen, så det er tydeleg at det er smelting, men breen er stabil, seier Nesje.
Årets vinter skal heller ikkje ha påverka breen nemneverdig.
– Det tek tre til fire år før vi kan sjå korleis ein vinter påverkar breen, poengterer Nesje.