– Intensjonsavtalen er veldig uheldig

Intensjonsavtalen mellom Sogn og Fjordane, Hordaland og Rogaland vart ikkje motteken som godt nytt for Stryn Formannskap som har vore tydeleg på at dei ønska heile fylket sitt i region med Hordaland og Møre og Romsdal. Dei har tidlegare bedt fylkeskommunen om å avslutte forhandlingane med Rogaland. Istaden er det altså teikna ein intensjonsavtale.

– Vi er bekymra for at denne avtalen blir akseptert. Den er veldig uheldig for Stryn og resten av Nordfjord, sa Flo umiddelbart etter at avtalen vart kjend fredag morgon.

– Det er med glede at vi registrerar at avtalen får kritikk, også i Rogaland. Vi håpar Rogaland seier nei til avtalen. Det som blir viktig no er å ta opp forhandlingane med Møre og Romsdal, seier Flo måndag.

– Trass i at Møre og Romsdal ikkje vil?

– Dei kan ikkje stå åleine. Dei må snart stikke fingeren i jorda og forstå hensikta bak regionreforma, seier Flo.