To lag frå vaksenopplæringa og asylmottaket i Stryn og to frå Eid stilte til vennskapelege «landskampar» i fotball i Stryn førre veke.
Stryn vidaregåande skule stilte med dommarar.
- Håpet er at dette skal bli ein årleg tradisjon, der elevar frå vaksenopplæringssentra kan møtast til fotball og sosialt samvær, seier rektor ved vaksenopplæringa i Stryn, Hilde Nesje.
I fjor gjekk turneringa på Sandane. Då var det Stryn som gjekk av med sigeren. I år gjekk Eid til topps i turneringa og fekk dermed eit napp i vandrepokalen.
- Innsatsen var ikkje til å klage på, det var ein kjekk og triveleg dag som også inneheldt grilling og sosialt samvær, seier Nesje.
Elevane ved vaksenopplæringa i Stryn fekk draktsett av Stryn fotball før turneringa, noko som vart sett stor pris på.
Neste år er det Eid som er arrangør for turneringa.