Det aktuelle området ligg rett vest for kapellet og dagens kyrkjegard. Skredtypane som NGI har vurdert for området omfattar snø-, stein-, jord– og flaumskred.
Statistisk sett kan det førekomme betraktelege nedbørsmengder på kort tid i området. Berekning av ekstremnedbør viser til dømes at det kan førekome nedbørsmengder på over 100 mm på tre døgn.
Bekk til bekymring
Ein bekk kjem ned midt på den planlagde kyrkjegarden. Denne bekken kjem frå ulike kjelder oppe i fjell – og myrområdet og samlast til ein liten bekk om lag 340 moh. Bekken som kjem ned midt i området skal takast hand om ved hjelp av rør. NGI konkluderer med at det årlege sannsynet for skred mot kyrkjegarden er lågare enn 1/1000.
Konklusjonen føreset at bekken som kjem ned midt i området vert teken hand om på tilstrekkeleg vis med rør under heile det aktuelle jordet tiltenkt som kyrkjegard.