I midten av februar skal Reisemål Stryn & Nordfjord ha avgjerande ekstraordinær generalforsamling for å kunne samle seg om eit sterkt Nordfjord og bestemme aksjekapitalen i det nye selskapet.

Noverande selskap og styre har dermed tre månader på seg til å overtyde samtlege kommunar i Nordfjord om at felles satsing er tingen.

I vedtektsendringa ligg det til rette for at "Stryn & Nordfjord" skal erstattast med "Nordfjord" som merkevarenamn og at selskapsnamnet vert "Visit Nordfjord AS". Innsatsviljen i selskapet får uttrykk gjennom teikning av ny aksjekapital der det er lagt opp til minstesum på kr. 500.000.- og maksimalt to millionar kroner.