Med ordførar Sven Flo sin signatur som stadfestar at Stryn kommune kjøper godt og vel 2. etasje og ni omsorgsbustader i 3. etasje til ein sum av 66,1 millionar kroner, kan HS Bygg realisere utbyggingsplanane på Essotomta til ein samla kostnad på 140 milllionar.

Coopbygget får ei grunnflate på 2.000 rutemeter. I underetasjen blir det parkeringskjellar (70 plassar). I første etasje skal Coop Extra ha heile arealet med unntak av 210 rutemeter som skal nyttast av Vitus Apotek.

I andre etasje etablerer Stryn kommune nytt legesenter og helsestasjon på 1.070 rutemeter. Dei har også eitt års opsjon på kjøp av meir areal i denne etasjen.

På toppen av bygget skal Stryn kommune ha 9 omsorgsbustader for utleige. I 3. etasje har kommunen  eitt års opsjon på kjøp av ytterlegare fire-fem leilegheiter.

Coopbygget skal stå ferdig våren 2017.