No gjer Moods of Norway som dei store motehusa

1 / 5

Oslo Runway/ Indigitalimages

Inspirasjonen til kolleksjonen som vart vist i Operaen under opninga av Oslo Runway er inspirert av den norske sommaren og spesielt den norske kysten. - Vi hyllar sommaren med ei reise som startar i nord og vert avslutta i sør. Både under og over vassflata har vi late oss inspirere av natur, dyr og gode historier langs kysten. Frå surfing og fyrtårn til rekesmørbrød og krabbefiske, seier Simen Staalnacke og Peder Børresen, som alt tidleg i karriera hadde kystsjarken på kleda sine.

Moods of Norway stod for opninga av "Oslo Runway", den nye "moteveka" i Oslo. Og det gjorde dei på same måte som dei store motehusa: Ved å vise kle i sesong.

- Vi gjer no som Tom Ford og Burberry. Det å vise kolleksjonane i detdei kjem i butikk er blitt ein stor global trend. Verda går kjappare, og kundanen vil ikkje vente i seks månadar før dei kan kjøpe produkta i butikk. Det gjeld å følgje med i timen, og vi trur magien ligg i gjere mest muleg i "real time", seier Simen Staalnacke og Peder Børresen.

Dei fortel at dei har halde på inesten to år med omstillinga slik at dei no for første gong evererkleda i same sesong som dei viser dei på show og har fotosession.

- Detteer den største snakkisen i bransjen om dagen. Vi er nok det eninaste premium merket som gjer dette om dagen,og det følest veldig bra å vere først. Godt å få bekrefta at det vispekulerte i for to år sidan no byrjar å bli ein realitet, seier Staalnacke.

Denne sesongen er strynefirmaet med på Oslo Runway og LA Fashion week.

- Vi trur det er ein stor fordel at kundane umiddelbart får mulegheit til å kjøpe det dei ser på dei store showa, seier Moods-gründeren, som er svært godt nøgd etter opninsshowet i Operaen.

- Vi er storfornøgde. Det har vore veldig gode tilbakemeldingar, og det er heilt fantastisk at det har blitt ei moteveke i Oslo igjen, seier han til Fjordingen.