I morgon, onsdag er cruisesesongen i gang for fullt i Olden når det store og lukseriøse skipet Azura kjem på besøk.
- Det blir ein heftig dag med heile 30 grupper på utflukter, seier Bjørg Næss i Geiranger Cruise Handling. Lista over cruiseanløp til Olden i 2016 viser så langt 86 skip.
Azura opererer for P & O Cruises og er eigd av Carnival PLC. Skipet er bygt i Italia og stod ferdig 1. april 2010. Maksimumstalet på passasjerar er 3597, og over 3000 kjem til Olden. Skipet er på 115.000 bruttotonn og er 290 meter langt. Det kjem frå Ålesund og går vidare frå Olden til Bergen.