Konsernsjef i Ekornes, Olav Holst-Dyrnes seier utbetring av den heller skrale fylkesveg 60 mellom Grodås og Møre grense no blir ei endå større utfordring for Ekornes etter beslutninga om å leggje ned Ekornes sin fabrikk på Hareid. I dag leverer Ekornes Grodås trekomponentar til Ekornes sine fabrikkar både i Sykkylven og Hareid. Etter nedlegginga på Hareid vil all transport gå til Sykkylven.
- Denne vegen er i dårleg forfatning og den blir endå viktigare for oss no ettersom den vil bli brukt mykje meir. For oss blir det viktig at vegen blir utbetra, seier Holst-Dyrnes. Han vil ikkje kople ein samanheng mellom arbeidsplassar på Grodås og ny fylkesveg 60.
- Eg vil på ingen måte koble desse, men eg vil oppmode politikarane til å utbetre denne vegen, seier konsernsjefen.
Ekornes si avdeling på Grodås er Hornindal sin desidert største arbeidsplass med 75 årsverk.