Ein mann busett i Stryn er dømd til 15 dagar betinga fengsel etter å ha køyrd i 69 km/t i ei 30-sone i Stryn i vinter. I tillegg må mannen betale ei bot på 9.000 kroner.
Mannen innrømte forholdet då saka var oppe i Fjordane tingrett som tilståingsdom. Han må klare seg utan førarkort i åtte månader og må ta ny praktisk prøve for å få tilbake førarkortet.
I følgje dommen skjedde fartsoverskridinga over ei kortare strekning, og det skal ikkje ha vore fotgjengarar i området då køyringa skjedde.