Det norske laget gjekk til topps i ettermiddagens laghopping i Summer Grand-Prix i polske Wisla.
På det norske laget hoppa Johann Andre Forfang, Tom Hilde, Joachim Hauer og Anders Fannemel. Honndølen har vist god form sidan han kom til Wisla, og stadfesta det i lagkonkurransen, der sigeren skulle avgjerast med ein duell mellom Fannemel og slovenske Peter Prevc.
Slovenia hadde ei knapp leiing, men Fannemel sikra den norske sigeren med eit kjempehopp på 134 m.
- Det var veldig spennande i dag. Før andrehoppet håpa eg berre at eg skulle klare fleire poeng enn Peter (Prevc). Alle hoppa mine her har vore bra så langt, så eg prøvde å gjere det same i siste runden. No håpar eg at eg kan halde same nivå også i den individuelle konkurransen i morgon, slik at eg kan vere med og kjempe om sigeren, sa Anders Fannemel til arrangøren etter lagkonkurransen.
Dette var den einaste lagkonkurransen i årets Summer GP.
1. | Norge | 910.2 | |
2. | Slovenia | 901.2 | |
3. | Tyskland | 878.3 | |
4. | Austerrike | 862.8 | |
5. | Tsjekkia | 847.8 | |
6. | Polen | 831.8 | |
7. | Japan | 784.5 | |
8. | Sveits | 749.7 | |
9. | Finland | 337.8 | |
10. | Kasakhstan | 222 |