Stryn hadde størst folketalsauke av alle nordfjordkommunane i andre kvartal med ein total folketalsvekst på 53 personar, og hadde dermed nest størst folketalsvekst i heile fylket. Berre Førde hadde større auke i folketalet med ein total folketalsvekst på 103 personar.
| Kommune | Fødselsoverskot | Netto innvandring | Netto innflytting | Folketalsvekst |
| Stryn | 9 | 28 | 16 | 53 |
| Eid | 6 | 15 | 20 | 41 |
| Gloppen | - 3 | 25 | 12 | 34 |
| Selje | - 3 | 12 | - 4 | 5 |
| Hornindal | 5 | - 2 | - 6 | - 3 |
| Vågsøy | 1 | 12 | - 16 | - 3 |
Totalt auka folketalet her i fylket med 302 personar andre kvartal. Dette er den største kvartalsvise folkeveksten i fylket på mange år, opplyser Sogn og Fjordane fylkeskommune.
Pr. 1. juli 2016 bur det 109.925 personar i Sogn og Fjordane.
Det fyrste halvåret av 2016 har folketalet i fylket totalt auka med 395 personer. Denne veksten er på 121 fleire personer i samanlikning med fyrste halvår i fjor. Då var auken på 274 personar. Berre ei gong dei siste 10 åra har Sogn og Fjordane hatt ein sterkare prosentvis folkevekst i fyrste halvår enn i år, opplyser fylkeskommunen på si nettside. Statistisk sett har 2. kvartal ofte vore den perioden der folketalet har hatt størst vekst.