Laurdag er det klart for sesongopning i skitrekket ved Hornindal skisenter. Det er klart etter snøfallet siste veka kan driftsleiar Amund Sverre Tomasgard melde. Dei siste dagane har gått med til pakking, trakking av snø og klargjering av alpinanlegget.
- Vi tek dei siste førebuingane i kveld, og når vi har gått over heile anlegget vil vi vurdere om vi kan opne skitrekket heilt til topps, fortel Tomasgard.
Han opplyser også om at dette er den tidlegaste sesongopninga dei har hatt ved skisenteret sidan det nye heisanlegget vart bygd.