Etter at det tydeleg kunne høyrast på intervjuet etter fredagens 2. plass at Johannes Thingnes Bø var forkjøla og "tett i toppen", var det fleire som lurte på om han kom til å stille til start på dagens jaktstart. Han innrømma også at det var mot legens vilje at han stilte til start fredag.
Men jaktstart vart det, og Johannes låg lenge an til ein pallplass også i dag.
- Det gjekk litt saktare i starten enn eg er vand med, så eg følte at eg hadde bra med krefter heile vegen. Eg og Emil veksla bra på. Men så drog vi på litt ekstra inn mot siste skyting, og då fekk eg den velkjende skjelven. Det var kjeldeleg. Litt for heit i toppen! sa han til NRK etter å ha gått i mål som nummer 4.
Emil Hegle Svendsen sytte likevel for norske fargar på pallen, då han spurtslo Anton Shipulin og tok 2. plassen med dagens beste tid.
Etter 2. og 4. plass så langt denne helga er det tid for litt ivaretaking av helsa. I alle fall blir det ingen stafett på Johannes i morgon, fortalde han til NRK:
- Eg har lyst, sjølvsagt, men no trur eg det er lurt å roe ned!