Tysdag kveld til onsdag morgon var fylkesveg 60 i Loen stengt grunna støyping av gangbrua som går mellombygga ved basestasjonen til Hoven Loen.

- Alt gjekk etter planen, og vi var ferdige å støype gangbrua rundt midnatt, fortel arbeidsformann Frank Sanden i HS Bygg. Han seier at det også gjekk bra med tanke på at vegen måtte stengast i fleire timar.

- No skal støypen herde i ei veke før vi tek ned forskalinga. Heis i bygget vil også bli montert rett etter påske, seier Sanden vidare. Når ein har fått rive forskalinga vil også krana på området bli demontert, og ein vil ta til med å stelle i stand området rundt.

- Vi er i rute med tanke på opninga 20. mai, ingen tvil om det, avsluttar Sanden.