Politiet melde tysdag ettermiddag om at ein bil hadde køyrt i fjellveggen inne i Kjøshammartunnelen. To personar i 80-åra var involverte i ulukka.
- Nødetatane kom raskt på staden. Dei skadde var bevisste og vart køyrde til sjukehuset i Volda for sjekk, opplyser politiet.
Politiet på staden seier at bilen, som køyrde i retning Grodås, traff fjellveggen om lag midt inne i tunnelen.
Vegen opna for trafikk klokka 17.15 i ettermiddag. Det var då lange køar på begge sider av tunnelen.
