Stryn sine handballherrar får allereie i ettermiddag sjansen til å rette opp det pinlege tapet mot Bergen HK i går.
Bjørnar står på motsett banehalvdel i Strynehallen, og bergensarane spelte ein hard og jamn kamp mot Bergsøy i går. Oppgjeret mot Bergsøy enda med 34-31 siger til Bjørnar.
- Vi må først og fremst få meir struktur på spelet vårt, og eg trur det skal bli betrakteleg betre i dag, seier trenar for Stryn, Oli Sveinsson.
Sveinsson var sjølv til stades og såg oppgjeret mellom Bergsøy og Bjørnar. Så står det att å sjå om Stryn kan stikke kjeppar i hjula til serieleiaren.