Anders Fannemel og hoppeliten hoppar verdscuprenn i Russland i helga, nærare bestemt i Nizjnij Tagil. Hopplandslaget kom til byen aust for Ural-fjella onsdag for å starte førebuingane til konkurransane.
Fannemel har gode minner frå hoppbakken der han tok sin første verdscupsiger i desember 2014, og det er ein bakke som passar han godt fortalde han på hopplandslaget si Facebookside.
Sjå Fannemel gå til topps i Nizjnij Tagil i 2014 (om du opplever problem med å spele av videoen i Internet Explorer, prøv Google Chrome).
Fredag kveld står kvalifisering på programmet. Laurdag og søndag er det individuelt renn. Fannemel står så langt med ein 25. plass i det individuelle rennet i Wisla som beste plassering. I lagkonkurransane som er arrangert har det derimot blitt full klaff med to førsteplassar.