På ein dag der Johannes Thingnes Bø nok ein gong hamna på pallen (2. plass på fellesstarten i NM) gjorde også Vegard Skrede det godt i klasse M19. Skrede frå Hardbagg avslutta sesongen med ein sterk 8. plass på fellesstarten i norgescupen, trass i seks bom. Med god fart i sporet var han ikkje meir enn godt 20 sekund bak fjerdeplassen.
Torsdag vart Skrede nummer ti på junior-sprinten, medan han vart nummer 52 blant nesten 200 deltakarar på sprinten for senior på fredag.
Aksel Mathias Meland, Markane IL, vart nummer 18 på dagens fellesstart. Meland låg lenge bra an, men fire strafferundar på første ståande skyting vart for kostbart.