Arve Henriksen, prisløna jazztrompetist og komponist frå Stryn, er ute med ny Cd: "The Nature Of Connections". Dette er eit album med tette band til norsk folkemusikk og med klare parallellar til moderne, minimalisitisk kammermusikk.
Med seg på dette albumet har han eit solid stjernelag: På fele Nils Økland og Gjermund Larsen, begge svært profilerte innan folkemusikk og i sjangeroverskridande samarbeid. Vidare består strykekvartetten av cellisten Svante Henryson, svensk musikar med brei erfaring både som klassisk orkestercellist og innan jazz, og kontrabassist Mats Eilertsen, kjend frå ei lang rekkje samarbeidsprosjekt med norske og utanlandske jazzmusikarar. Og på slagverk: Audun Kleive, veteran innan norsk jazz, m.a. gjennom sitt samarbeid med Terje Rypdal og Jon Balke.
Innspelinga er gjort i Rainbow Studio med Jan Erik Kongshaug ved spakane.