Stryn kulturhus inviterer i september til konserten "Hematt med Prøysen". For fulle hus og til strålande kritikkar har Maj Britt Andersen, Inger Lise Rypdal og Viggo Sandvik turnert rundt i landet med si Prøysen-forestilling, som hadde premiere i Østre Toten Kulturhus.

Alf Prøysen var ein av landets fremste kulturarbeidarar. Visediktaren og forfattaren formidla gjennom livsverket sitt livsvisdom og kvardagsskildringar med både humor og brodd.

- Vi gler oss stort til å ta imot desse flotte artistane. Dette vert Stryn kulturhus sin måte å markere Prøysenåret på, seier ein svært nøgd kulturhusleiar, Kari Ann Kaspersen, til Fjordingen.