Udnerhaldningsgruppa "Gaman" gjorde reint bord under Vestlandsmesiterskapen i revy på Fitjar.

- Dette var stryningen Roy Aron Myklebust frå "Gaman" sin store kveld. Myklebust vann både publikumsprisen, prisen for beste monolog og juryen sin fripris for "Pensjonistturen", ein monolog med overraskande og vanvittig humor som verkeleg fekk lattermuskane til å køyre seg i salen, skriv Fitjarposten på nett.

Også Inge Matias Tvinnereim kunne notere seg for siger i meisterskapen. Han hadde hovudrolla i ein sketsj Fitjar revylag var påmelde med, og får glimrande kritikkar for rolla som orkesterleiar i sketsjen som gjekk heilt til topps.

Vestlandsmesterskapen samla revygrupper frå Sandnes i sør til Nordfjord i nord.

- Dette var moro, og over all forventning. Å få juryens fripris er nok det gjevaste. Denne blir gjeven på bakgrunn av alle nummer, og gjev direkte kvalifisering til NM på Høylandet neste sommar, seier Roy Aron Myklebust til Fjordingen.

Juryleiar var Per Arne Lynum, kjend som Ottar i Tore Strømøy-show og elles som NM-vinnar og produksjonsansvarleg ved revyfestivalen på Høylandet.

Nummeret "Pensjonistturen" er ei lysbildeframsyning, opprinneleg laga til showet Gretne, galne gubbar i 2012.

Myklebust set også stor pris på tilbakemeldingane frå reykollegaer:

- Dei har vore overveldande, seier han.