Har du lyst til å fortelje politikarane kva dei du meiner dei fylkeskommunale kronene skal gå til neste år? Og ikkje minst kvifor?
Fylkespolitikarane inviterer no interessegrupper og aktørar utanom fylkeskommune til å kome med sine innspel til fylkeskommunen sin budsjettprosess.
4. november blir det politikardag, der alle medlemmen i fylkestinget er invitert til å vere til stades. Her vet det høve for ulike aktørar og interessegrupper å kome med sine innspel til budsjettet.
Kvart innspel får inntil 10 minutt til presentasjon. Det er høve til å bruke powerpoint, men desse presentasjonane må i så fall sendast inn på førehand.
Sjå meir om politikardagen på fylkeskommunen si nettside.