Røysta imot innføring av eigedomsskatt

Fire av fem formannskapsmedlemmer i Hornindal seier nei til innføring av eigedomsskatt. Endeleg vedtak vert fatta på kommunestyremøtet 18. desember.

Rådmann Ann Kristin Langeland gjekk i sitt framlegg til saldert budsjett og økonomiplan 2015-2018 inn for at Hornindal kommune innfører eigedomsskatt så snart det er praktisk mogeleg. Idar Nygård (V) som først fekk nedstemt sitt eige forslag om at eigedomsskatt skal utgreiast, var den einaste som støtta rådmannen. Ordførar Anne-Britt Øen Nygård (Sp), Eldar Engelund (Sp), Edvin Haugen (H) og Hilde Mjåtveit Lødemel (Ap) vil ikkje ha eigedomskatt i Hornindal kommune.