Anders Fannemel stadfesta med sin femteplass i natt at han tilhøyrer det absolutte toppsjiktet i verdscupen i hopp. I det siste rennet i storbakken i Sapporo vart han nok ein gong beste nordmann. I første omgang hoppa han 135 meter og var nest lengst. I 2. omgang var han uheldigare med forholda, men fekk rikeleg med plusspoeng.
Rennet vart vunne av tsjekkaren Roman Koudelka føre Kamil Stoch, Polen, Peter Prevc Slovenia og Stefan Kraft, Austerrike. Filip Sjøen fekk ein gledeleg 7. plass. Verdscupen held fram i Willingen i Tyskland fredag.