- Vi er framleis i januar, men konsertane i Stuttgart for å feire 75-årsdagen till den tyske bassisten Eberhard Weber kan fort kome til å bli årets jazzhending, skriv engelske The Telegraph etter konsertane som stryningen Helge Sunde dirigerte sist helg. Sunde blir då også nemnt som ein nøkkelperson i samband med jubileumsfeiringa.
Helge Sunde var henta inn for å dirigere litt av eit stjernelag: Pat Metheny, Gary Burton, Jan Garbarek, Paul Mc Candless, Danny Gottlieb og Scott Colley.
Pat Metheny hadde laga eit halvtimes-verk til jubileumsfeiringa, eit verk som Helge Sunde innstuderte med SWR BigBand, vertsorkesteret, saman med Metheny siste dagane før konsertane.
