Det er innspurt og full fart for å klargjere cruisekaia i Olden før det første skipet, gigantiske Britannia kjem tysdag. Alle gode krefter er sett inn. Sør på kaia var kranførar Kåre Morten Strand, Egil Totland, Frode Briksdal, Joar og Olav Strand i ferd med å setje småbåtane på vatnet etter vinter opplag.
Nord på kaia var firmaet Per Røyrhus i sving med å fylle ut langs kaikanten. Der låg også Bergen-firmaet Fyllingen Sjø med si kran og plattform. Dei tok opp stein frå botnen og dumpa den på djupet nokre titals meter unna.
Også Mølla Gjestehus har gjennomgått store endringar på innsida, med ny bar og nytt billettkontor.