All tvil er no sett til side. Fartsgrensa over skuledompa i Lovik er 40 km/timen, og det kan også oppfattast av bilistar som kjem på tilkomsvegen til fylkesveg 60 forbi Nordfjord Kjøt.

I førre vegen hadde vi bilete med skilt der 40-grense var oppheva inn mot fylkesvegen. Dette var eigna til å skape forvirring. Rette ansvarshavande tok rask affære, og no er skilt med 40-grense kome opp også på tilkomstvegen. Dermed får alle "sams forståing" frå tre kantar om det farlege punktet inn til skule og barnehage i Loen.