Næringsminister Monica Mæland kjem neste tysdag til Hotel Alexandra og Loen. I samband med besøket er det søkt om dispensasjon for landingsløyve med med to helikopter. Dette for at statsråden skal bli betre kjent med Hoven Loen-prosjektet.
Bakgrunnen for besøket er ei såkalla "innspelskonferanse" om reiselivspolitikk, og Loen er i eksklusivt selskap. I tillegg til Loen skal det arrangerast slike konferansar i Oslo, Kristiansand, Tromsø og kanskje Bergen. Loen er først ute.
- Dette er ei gylden anledning for aktørar i reiseliivsbransjen til å kome med innspel til Stortingsmeldinga om reiseliv som kjem våren 2016, har adm.dir i NHO Reiseliv, Kristin Krohn Devold uttalt.