– Dette er noko heilt anna enn kva er eg vant til. Turen til no har vore gjennomsyra beintøff å vere med på. Det har vore langt, hardt og fantastisk, seier Magnus Moan, som kan skilte med ti medaljar frå olympiske leikar og verdsmeisterskap.
Dei andre gutane er einige. – Det har vore ein fantastisk tur. Landskapet er heilt nydeleg, seier Glenn Solli og Truls Johansen. Solli er tidlegare kombinertlaupar, og Truls Johansen er på B-landslaget i kombinert.
Alle tre er med på opplegget til Viking Tour, som er eit sykkelritt i regi av Lødingen sykkelklubb. Rittet varer ei veke og turen starta i Vågå og blir avslutta same plass. 65 syklistar overnatta i Strynehallen natt til torsdag og fredag. I dag skal dei sykle frå Stryn og vidare på panoramavegen, før dei enda opp att i Stryn.
Oppvarming til ny sesongFor både Johansen og Moan er dette ein del av oppvarminga til ny sesong. – Det har vore ei fin utfordring og eg har oppdaga nye sider av meg sjølv på denne turen. Dette er ei fin oppvarming til ny sesong, seier Moan.
