Røyratunnelen som er del av det store rassikringsprosjektet Røyr-Hellesylt på fv 60 vil bli opna for trafikk i løpet av desember. Det opplyser Statens vegvesen. Betongtunnelen som vert overdekt av jord for å føre trafikken trygt gjennom eit rasfarleg område, er ferdig. Men det står att avsluttande arbeid både innvendig og på utsida.
Heile rassikringsprosjektet har ei lengd på 13 kilometer og ein total kostnadsramme på 1,12 milliardar kroner. Ljøtunnelen som hadde gjennomslag tidlegare i haust vert opna hausten 2016. Då er også heile anlegget ferdig.