E39 Skredestranda stengd av endå eit ras - ny vurdering klokka 13

Natt til laurdag gjekk eit nytt ras på E39 Skredestranda.

- Rasstaden er like nedanfor der det rasa sist. Det er snakk om store jordmassar, tre og vatn som ligg over vegbana i ei lengde på ca 30-40 meter,  opplyser Margot Åsebø, seksjonsleiar i Statens vegvesen.

- Når får de opna vegen?

- Det blir ny vurdering klokka 13. Så får vi sjå om det let seg gjere å opne vegen i løpet av dagen, seier Åsebø. Som legg til: - Det store problemet er at vi ikkje får opna kummane, slik at vatnet passerer der det skal. Dette får vi ikkje gjort før rasmassane er rydda vekk.