Fylkesmannen i Sogn og Fjordane har sett av 260.000 kroner til samlingar og andre tiltak som skal få ungdomen til å engasjere seg i arbeidet med ny kommunestruktur.
- Ungdomen må involverast, er den klare meldinga frå prosjektleiar Kåre Træen hos fylkesmannen. Som poengterer at ungdomen ikkje berre må iinformerast, men også engasjerast.
I mail til kommunane skisserer Træen ulike løyvingar for involvering, t.d. samarbeid med vidaregåande skular og kontakt med ungdomsråda.
- Ein må møte ungdomen etter deira ønskje, understrekar Kåre Træen.