Dansegruppa i Fjelli Ungdomslag vart den verdige vinnaren av årets kulturpris i Stryn kommune. Prisen vart overekt Asbjørg og Arne M. Sølvberg, samt fire unge dyktige dansarar, Emma Nygård Sætren, Mathias Hagen, Marte Sølvberg Spilde og Elling Sindre Syversbråten på vegne av dansegruppa. Dei kvitterte med å danse to springarar, ein gammal springar og ein Nordfjord-springar. Alt dette skjedde etter Stryn kommunestyre sin julemiddag.
Ungdommens kulturstipend med 7.000 kroner til kvar av vinnarane vart også tildelt, og stipenda gjekk i år til Emma Nygård Sætren som er ein av dei dyktige dansarane i Fjelli Ungdomslag. Det andre stipendet mottok Sander Amble Haugen, ein talentfull fotballspelar frå Innvik som også har debutert på det norske landslaget i gutar 15 år.
I samband med avslutninga var det også underhaldning av tre elevar ved kulturskulen, Adrian Auflem Bjørk, Ole Andreas Auflem og Hermine Kjøsnes saman med Ketil Rasmussen.