Spelar inn scener til Børning 2 i Stryn

Innspelinga av den norske bilfilmen Børning 2 er i full gang, og no er det i Stryn det skal spelast inn heftige bilscener. Den første Børning-filmen fekk fire prisar under Amandapris-utdelinga. No kjem oppfølgjaren, som i følgje VG er verdas første bilfilm spelt inn på vinterføre.

I dag og i morgon vert det filma i stryneområdet. Truleg er det i austre del av kommunen det meste føregår, og også Strynefjellsvegen har vore nemnt.

- Vi filmar her i dag og i morgon, så ber det vidare til Fosnavåg og Ørsta/Volda, stadfestar Marcus Brodersen, produsent for Filmkameratene AS/ og FK Børning AS.