Landskappleiken på Vågå går mot slutten og ei av dei siste tevlingane er for vokal, A-klassen.

Som i fjor er Unni Løvlid mellom finalistane, og no står det att å sjå om den dyktige songaren frå Hornindal også kan gjenta bragda frå i fjor der ho gjekk heilt til topps i eliteklassen.

Ekstra spenning er det knytt til denne tevlinga, sidan det i år også vert delt ut Kongepokal i denne klassen. Det skjer først søndag i samband med den avsluttande Meisterkonserten der dei fleste klassevinnarane opptrer og vinnarane i A-finalane blir offentleggjort.