Tivolilova og taubanelova skal erstattast av nye, moderniserte lover. Statsråden lovar sikrare anlegg.
Fredag la regjeringa fram forslag til ny taubanelov og tivolilov. Forslaga skal erstatte taubanelova frå 1912 og tivolilova frå 1991. Skitrekk og stolheisar er rekna som taubaner.
– Dei nye lovene skal styrke sikkerheita på norske taubaner og fornøyelsesinnretningar endå meir, seier samferdselsminister Ketil Solvik-Olsen.
Forslaga vil blant anna fjerne konsesjonskravet for taubaner, medan det blir innført nye krav til varsling, forsikring og tilsyn, i tillegg til forbod mot ruspåverknad. (©NPK)