Fylkesmannen i Sogn og Fjordane tilrår at Stryn kommmune blir ståande åleine. Det kom fram under pressekonferansen til fylkesmann Anne Karin Hamre om kommunesamanslåing i dag.
Kommunane i fylket som blir tilrådd samanslegne er: Volda/Hornindal, Vågsøy/Selje, Sogndal/Leikanger/Balestrand og storkommunen Indre Sunnfjord.
Dette er tilrådinga i dag.
Samstundes peikar fylkesmannen på neste steg i kommunereforma. Drøftingane om samanslåing vil halde fram i løpet av 2017.
- Vi oppfordrar Stryn, Eid og Gloppen til å gå i drøftingar om samanslåing framover, seier fylkesmann Anne Karin Hamre.
Tilrådinga frå fylkesmannen blir no sendt til Kommunal- og moderniseringsdepartementet, og skal leggast fram for Stortinget til våren.
Kva fylke Volda/Hornindal skal høyre til i framtida, må avventast fram til Stortinget gjer endeleg vedtak om samanslåing i juni 2017, opplyste Hamre.