Torsdag skal Stryn formannskap ta stilling til Stryn kommune sitt driftstilskot til Stiftinga Musea i Sogn og Fjordane.

Stiftinga, som har driftsansvar av DHS-Sogn Folkemuseum, Kystmuseet i Sogn og Fjordane, Nordfjord Folkemuseum, Sogn og Fjordane Kunstmuseum, Sunnfjord Museum og Norsk Kvernsteinsenter, ber Stryn kommune slutte seg til ein ny driftsavtale frå og med driftsåret 2017.

Avtalevilkåra inneber mellom anna at Stryn kommune betalar årlege driftstilskot til Stiftinga Musea i Sogn og Fjordane frå og med år 2017. Tilskotet foer 2017 er pålydande Kr. 225.961,-

Driftstilskotet frå Stryn kommune har dei 3 siste åra vore på kr 100 000. For Stryn kommune vil den nye avtalen medføre ein auke på kr 125 961 per år frå og med neste år.

Stiftinga Musea i Sogn og Fjordane tilrår alle kommunane i fylket å innarbeide sin del av kostnadane som kjem i samband med budsjettbehandlinga for 2017.

Saka skal opp i Stryn formannskap torsdag. Rådmannen har tilrådd godkjenning av avtalen, med mellom anna føresetnad at Stryn kommune sin deltaking i avtalen er at alle kommunane i Sogn og Fjordane er med, utan avkorting i driftsavtalen.

Stiftinga Musea i Sogn og Fjordane sysselset i overkant av 50 årsverk med ei omsetning i 2015 på 66,3 mill. Drifta er i hovudsak finansiert med offentlege driftsmidlar frå kommunane og fylkeskommunen. Stiftinga Stiftinga sitt føremål er å drive museum med innsamling, bevaring, dokumentasjon, forsking og formidling av kultur, - natur- og kunsthistorie i Sogn og Fjordane.

Radmannen sitt framlegg vart samrøystes tilrådd av skule- og kulturutvalet tysdag.