Det var under Norgesmeisterskapet i benkpress i Haukelandshallen søndag at strynejenta Thea Sætre Bergset (22) tok gull i klassa junior - opptil 57 kilo. Blant klassa sine tre deltakarar vann Thea med godkjend løft på 70 kilo.

- Det er under personleg rekord på 75 kilo, men det heldt til gull idag. Det var veldig moro å få kome på pallen, seier 22-åringen.

Godkjent for 70 kilo Her tek strynejenta gull for Stryn Styrkeløftklubb. Foto: Privat

Bergset, som arbeidar som personleg trenar i Oslo, representerte Stryn Styrkeløft klubb. Med seg til turneringa hadde ho klubbvenninna Signe Elisabeth Belden som var ute med skade.

Belden trådte til som coach for venninna som altså tok sin første gullmedalje.

- Det var skikkeleg moro. Eg skal innrømme at det ga meirsmak, seier ho til Fjordingen søndag kveld.

Norgesmeisterskapet vart arrangert av Styrkeløftregion Vest og Norges Styrkeløftforbund.